जनकपुर बोल्ट्स vs काठमाडौं गोर्खाज

नेपाल प्रिमियर लिग २०२६ अन्तर्गत टियू क्रिकेट मैदानमा सम्पन्न खेलमा जनकपुर बोल्ट्सले काठमाडौं गोर्खाजलाई ८ विकेटले पराजित गरेको छ। काठमाडौं गोर्खाजले दिएको ११६ रनको लक्ष्य जनकपुर बोल्ट्सले १७.२ ओभरमा २ विकेट गुमाएर पूरा गर्यो। जितसँगै जनकपुरले प्रतियोगितामा आफ्नो बलियो उपस्थिति देखाएको छ।

जनकपुर बोल्ट्सको जितमा मोइन अलीले अविजित ५८ रनको महत्वपूर्ण इनिङ खेले भने सैफ हसनले अविजित ४० रनको योगदान दिए। मयन यादवले ९ रन जोडे। काठमाडौंका बलरहरूले रिपन मोंडोल्को १ विकेट बाहेक अन्य सफलता खासै हासिल गर्न सकेनन्।

काठमाडौं गोर्खाजको ब्याटिङतर्फ भिम सार्कीले ३३, रासिद खानले १७ र स्मित पटेलले १३ रन बनाएका थिए। बलिङतर्फ जनकपुरका राहुल यादवले ४ विकेट लिएर उत्कृष्ट प्रदर्शन गरे। उनलाई सैफ हसनले २ र हरमित सिंहले १ विकेट लिएर साथ दिए। उत्कृष्ट बलिङ प्रदर्शन गरेका राहुल यादव प्लेयर अफ द म्याच घोषित भए।