विराटनगर किङ्स vs सुदूरपश्चिम रोयल्स

नेपाल प्रिमियर लिग २०२६ अन्तर्गत त्रिवि क्रिकेट मैदान कीर्तिपुरमा भएको खेलमा विराटनगर किङ्सले सुदूरपश्चिम रोयल्सलाई ३५ रनले पराजित गरेको छ। पहिले ब्याटिङ गरेको विराटनगर किङ्सले निर्धारित ५ ओभरमा २ विकेट गुमाएर १०५ रन बनायो। जवाफमा सुदूरपश्चिम रोयल्सले ५ ओभरमा ३ विकेट गुमाएर ७० रन मात्र बनाउन सक्यो।

विराटनगर किङ्सको ब्याटिङमा सेहान जयसूर्याले ११ बलमा २ चौका र ५ छक्काको मद्दतले ३९ रन बनाए। आन्द्रे रसेलले १० बलमा २ चौका र ३ छक्का प्रहार गर्दै नट आउट २९ रन जोडे। त्यस्तै लोकेश बमले १० बलमा १ चौका र ३ छक्कासहित २५ रन बनाए।

सुदूरपश्चिम रोयल्सका लागि बलिङ गर्ने क्रममा अविनाश बोहराले २ ओभरमा २८ रन खर्चेर २ विकेट लिए। सुदूरपश्चिमको ब्याटिङतर्फ स्कट कुग्गेलइनले ६ बलमा १ चौका र ४ छक्काको मद्दतले नट आउट २८ रन बनाए। बलिङमा विराटनगरका आन्द्रे रसेलले २ ओभरमा ८ रन दिएर १ विकेट लिए।