जनकपुर बोल्ट्स vs पोखरा एभेन्जर्स

नेपाल प्रिमियर लिग २०२६ अन्तर्गत कीर्तिपुरको त्रिवि क्रिकेट मैदानमा भएको खेलमा जनकपुर बोल्ट्सले पोखरा एभेन्जर्सलाई ९ रनले पराजित गर्यो। जनकपुर बोल्ट्सले २० ओभरमा ७ विकेट गुमाएर १४७ रन बनाएको थियो। जवाफमा पोखरा एभेन्जर्सले २० ओभरमा ९ विकेट गुमाएर १३८ रन मात्र बनाउन सक्यो।

जनकपुर बोल्ट्सको ब्याटिङमा त्रित राज दासले ५५ बलमा ७ चौका र २ छक्कासहित ६१ रन बनाए। यसैगरी अभिषेक तिवारीले अविजित रहँदै १० बलमा १ चौका र २ छक्काको मद्दतले २४ रन बनाए भने मोइन अलीले १६ बलमा ३ चौका र १ छक्कासहित २१ रन जोडे। पोखरा एभेन्जर्सतर्फशल कुशल भुर्तेलले २४ बलमा ५ चौका प्रहार गर्दै ३५ रन बनाए। विपिन आचार्यले १९ बलमा १ चौकासहित २० रन र विपिन खत्रीले अविजित १७ रन बनाए।

बलिङतर्फ जनकपुर बोल्ट्सका मोइन अलीले ४ ओभरमा १३ रन खर्चिँदै ३ विकेट लिए। हरमित सिंहले ४ ओभरमा २० रन दिएर २ विकेट तथा सैफ हसनले ४ ओभरमा ३६ रन खर्चेर २ विकेट हात पारे। अर्कोतर्फ पोखरा एभेन्जर्सका शाकिब अल हसनले ४ ओभरमा १५ रन दिएर ३ विकेट लिए। चामिका करुणारत्नेले ३ ओभरमा २३ रन खर्चेर २ विकेट र मोहम्मद सैफुद्दीनले १ ओभरमा १७ रन दिएर १ विकेट लिए। उत्कृष्ट प्रदर्शन गरेका त्रित राज दास प्लेयर अफ द म्याच घोषित भए।