चितवन राइनोज vs सुदूरपश्चिम रोयल्स

नेपाल प्रिमियर लिग २०२६ अन्तर्गत त्रिवि क्रिकेट मैदान, कीर्तिपुरमा भएको खेलमा सुदूरपश्चिम रोयल्सले चितवन राइनोजलाई ५ विकेटले पराजित गर्यो। चितवन राइनोजले दिएको १३० रनको लक्ष्य सुदूरपश्चिम रोयल्सले १६.४ ओभरमा ५ विकेट गुमाएर पूरा गर्यो।

सुदूरपश्चिम रोयल्सको ब्याटिङमा ब्रान्डन मकमुलनले २१ बलमा ६ चौका र २ छक्कासहित ४३ रन बनाए। यसैगरी ईशान पाण्डेले २९ बलमा २५ रन तथा शेरफेन रदरफोर्डले नटआउट २१ रन जोडे। यता चितवन राइनोजका लागि रवि बोपाराले ४० बलमा ३ चौका र २ छक्कासहित सर्वाधिक ४९ रन बनाए भने विवेक यादवले १७ र डेभिड मलानले १६ रन जोडे।

सुदूरपश्चिम रोयल्सको बलिङमा रणजित कुमारले ४ ओभरमा २८ रन खर्चेर ३ विकेट लिए। यस्तै रिजन ढकाल र मौसम ढकालले समान १-१ विकेट लिए। चितवन राइनोजका स्कट कुग्गेलइनले २, दिपेन्द्र सिंह ऐरीले १ र अनिल खरेलले १ विकेट लिए। उत्कृष्ट प्रदर्शन गरेका ब्रान्डन मकमुलन प्लेयर अफ द मर्च घोषित भए।